வருவாயா...

என் இதமான
பருவத் தோழன் நீ.
நீ... இல்லாத சமயங்களில்
நானே இல்லாமல் போகிறேன்.
வெயில்கால நிழலாக,
குளிர்காலக் கம்பளியாக,
மழை நேரக் குடையாக,
பசி நேர உணவாக,
இருளில் ஒளியாக,
துன்பத்தில் தலை தடவும்
தோழியாக,
வாழ்வில் வழி நடத்தும்
ஆசிரியராக,
நோய் நேரத் தாதியாக,
தாயாக... தந்தையாக,
தாரமாக,
மடி தவழும் குழந்தையாக,
தனிமைக்குத் துணையாக,
மரணம் வரை கூடவே
வருவாயா
என்னோடு நீ!!!

ஹேமா(சுவிஸ்)

	Tweet