நடைபாதைப் பயணங்களில்வெறிக்கிறேன் இன்றுவரை
அவசர சமயத்தில்
கையில் திணித்து மறைந்த
ஒற்றை ரூபா முகத்தை.
தொப்புள்கொடி
சுற்றிய குழந்தையாய்
திணறி முழிக்கிறது
விட்டெறிந்த வார்த்தைகள்.
சாமியின் தலையில்
வார்க்கும் நம்பிக்கைப் பால்
எதிர்பாரா உதவிகள்
அருவருக்கும் எச்சிலாய்
என் முகத்திலேயே
பட்டுத் தெறிக்க
சுற்றும் பூமியின் சேதாரம்
கணக்கிட நினைக்கிறேன்
சேதம் உனக்கேதானென
சொல்லி இறைக்கிறார்கள்
இன்னும் அசிங்கங்களை
கமுக்கட்டுக்குள்
நன்றியைச் சேமித்தவர்கள்.
நன்றிகளாய்...அவமானமாய்
நெருடல்களைச் சுமக்கின்றன
என் நுகத்தடி!!!
நுகத்தடி-காளையின் கழுத்தில் பூட்டப்படும் மரம்.
ஹேமா(சுவிஸ்)
| Tweet | ||||
