கண்ணா...

குழல் துவாரங்களில்
கண்ணீர் நிரப்பியபின்னும்
மொழி கலைந்து
உமிழ் நீருடன் சமித்த பின்னும்
இளைத்த உடல் களைத்த பின்னும்
இடைமெலிந்து
ஊண் மறந்து நோன்பிருந்த பின்னும்
புகட்டுவாய் பாலெனக் காதல்
பரிந்துண்பாய் இதழ் முத்தமென
காத்திருந்த பின்னும்
கண்ணா....
செய்யா தயவிது ஏன்
தாயுமானவனே
இதுவோ பேரன்பு ?!

படம் - தோழி பூங்கோதை செல்வன் 

குழந்தைநிலா ஹேமா (சுவிஸ்)

	Tweet