படைத்தவனும் படைத்தவனும்...

பார்த்துக்கொண்டிருக்க....

இது பத்தோ அல்லது
பதினைந்தாவதாகவோ இருக்கலாம்
வட்டம் வட்டமாய் சிகரெட் புகை
கடவுளைச் சுற்றிலும்.

வானத்தின் தேகமெங்கும்
அதிரும் இரும்புப் பறவைகள்
பச்சையம் அழித்து
இரத்தக் களறியாகும் பூமி.

பச்சைக்குழந்தையிடம்
இச்சைதேடும் நரன்.

இதற்குள்ளும்
நன்றி மறவாத நாய்
கொடுத்துண்ணும் காக்கா
வரிசை கலையா எறும்புகள்
மனிதன் தவிர
தம்மை மாற்றா மாற்றுயிர்கள்.

அழிக்கும் வனம் அழ
பாறையில் முளைவிடும் சிறுவிதை
பெருமரமென மலை பிளந்து
தடைக்கற்கள் கடந்து வேர் விரித்து
சிக்கும் சின்ன வேர்களை விசாரித்தபடி
ஆழப் பதிய வைக்கிறது தன்னை.

கடவுளைப் பார்த்து முறைக்கிறேன் நான்
மனிதன் பண்ணிய புகைக்குள் அவர்!!!

ஹேமா(சுவிஸ்)

	Tweet