செய்திருக்கலாம்
கிடைத்திருக்கலாம்
சொல்லியிருக்கலாம்....
'லாம்....லாம்...'
படிமங்களில் நிலையழிந்த
இலையொன்று
தரைதட்டும் தரவாகிறது
சில 'லாம்' ங்கள்.
நெளியும் மண்ணுளியாய்
முன்னெப்போதோ
சேமித்த தர்மம்
கொடுப்பினைகள்
தொட்டு நீளும் கைகளில்
திசையறியாமல்.
மந்தார மரங்களுக்கும்
அலுவல்.
நிலையழிந்து
நிலம் தொடும் உடலுக்கு
உலுக்கித் தர ஏதுமில்லை.
மந்தணச் சொற்களையும்
மந்தாரப் புன்னகையையும்
சேமிக்கிறது
தியானத்தின் பெருவெளி.
நீண்டு நழுவி
நடந்துகொண்டிருக்கின்றன
சில கொடுப்பினைகள்.
முழம் தள்ளித்
தனித்துறங்கும் குழந்தைமீது
முலைவெடித்துச் சீறும் பாலென.
கானல்நீர்க் குவளை
கொடுப்பினையாவது
கிடைத்துவிட்டுப் போகட்டும்
பட்ட மரத்தடியில்
நினைவுக் கனியுண்ணும்
பறவைக்கு.
அலட்சியமாய்
நிராகரித்துவிடாதீர்கள்
சில அங்கீகாரங்களை
மறந்தும்!!!
குழந்தைநிலா ஹேமா(சுவிஸ்)
| Tweet | ||||
4 comments:
நன்று நன்று
கவிதை அருமை...
வாழ்த்துக்கள் அக்கா.
சொல்லியிருக்கலாம், இருந்திருக்கலாம்.... இன்னும் லாம்..லாம்..தான். ம்ம்ம்ஹ்ஹ்ஹ்ம்ம்ம்....
அருமை
Post a Comment