ஒரே இரவில் கொண்டும்
அதே.....
ஒற்றை இரவில் கொன்றும்
கழி(ளி)க்குமிந்தப் பெருமழை !
மழை முத்தமிட்ட
பூமியில்
இருள் கவிய
என் படலை ஒதுங்கும்
உன் நினைவுகள்
என்னை
பிறாண்டுதலிலேயே
குறியாயிருக்கிறது !
மழைக்கவிதை கேட்டவன்
ப்ரிய மண்வாசனை காட்டி
மௌனமாய்
தானே....
தமிழ்ச்சாரலான
விந்தையிங்கு !
சாரல்...
துளி...
பெருமழை...
இதில்
எது நீ ?
அடித்துப் பொழி
உனக்காய் மட்டும்
முளைக்கும்
குடைக்காளானாய் நான் !
மழையாய்
நனைத்தவன் அங்கிருக்க
நடுங்குபவள் நான்
வைத்தியர் விசாரிப்பில்
ஊசி எனக்குத்தானாம் !
மழை கேட்டவன் மழையாகி...
பின் மழையாக்கி....
ஒத்தி வைக்கப்படுகிறது
இப்போதைக்கு
சில மழைக்கவிதைகள்!
ஹேமா(சுவிஸ்)
| Tweet | ||||
4 comments:
அடித்துப் பொழிந்து விட்டது வரிகள்...
கவி மழை!
அனைத்தும் அருமை.
கவிதை மழை பொழிகிறது.
ஒவ்வொரு எழுத்தும்
ஒவ்வொரு வரியும்
உள்ளத்தை நனைக்கிறது. .
இடி இல்லை மின்னல் இல்லை
இனிய நீரில் நனைய வாரீர்.
சுப்பு தாத்தா.
www.subbuthatha72.blogspot.com
அடித்து பெய்த மழை சற்றே ஓய்ந்து ஓய்வெடுக்கிறதோ! இடி மின்னலுடன் மீண்டும் பொழிவதற்கு...
Post a Comment