இரவுகளைக் குழைக்க
உன்னால் மட்டும்தான்
சாத்தியமோ
ஏன்.......
என் இரவுகளையும்
சேர்த்தெடுத்துக் குழைத்துப்
பூசியிருக்கிறாய்
கருப்பா...!
உன்னைச் சுற்றும்
வண்ணத்துப்பூச்சி நான்
வானவில்லின்
பல நிறம் கொண்டவனே
என் நிறமறியாமல்
நீலத்தை வெள்ளையென்றும்
சிவப்பை இளமஞ்சளென்றும்
சொல்லி
கடைசியில்
கலவையில் குழம்பிய
நீ.....
அன்பு
கருப்பாய் இருப்பதாய்
கிறுக்க
நிறமற்றுக்கொண்டிருக்கிறது
என் இறக்கைகள் சுனாமியில் !
ஒரு உண்மை
சொல்ல'வா'...
உன் நினைவு
கண்ணை மறைக்க
சுட்டுக்கொண்டேன்
விரலில்
சுடவில்லை.....
உன் சொற்களைவிட
விரலும்
நானும்
உன்...
ஒற்றைச்சொல்லுக்காக
எரிந்தபடி !
ஒரு முறைக்கு மட்டுமே
ஏங்கும் மனம்
அதன்பின்
இன்னும் இன்னும்
எனத்
தணியாத தாகமாய்
தவிக்க வைக்கிறதே
உன் குரல்
ஞாபகத்தை அதிகமாக்கி
உரசிப்போகிறது
நீ....
முணுமுணுக்கும் பாடல்கள் !
மரமுதிர்த்த
மஞ்சள்
வீதி முழுதும்
உன் நினைவுகள்.
உன்னால்...
என் செல்லப் பெயர் எழுதிய
சருகொன்றைத்
தேடிக்கொண்டிருக்கிறேன்
இன்னும்!!!
ஹேமா(சுவிஸ்)
ReplyDeleteமரமுதிர்த்த
மஞ்சள்
வீதி முழுதும்
உன் நினைவுகள்.//
வழக்கம் போல அருமையான கவிதை....வாழ்த்துக்கள்...!
காதல் தென்றலாய் என்னை உரசிச் சென்றது! ரசனையான வார்த்தைகள் கொண்ட கவிதைகள்!
ReplyDeleteரசிக்க வைக்கும் வரிகள்... வாழ்த்துக்கள்...
ReplyDeleteவலிகள் துலைந்து காதல்
ReplyDeleteவளம் பெற வேண்டும்
இருளைக் கடந்து வாழ்வில்
இன்பம் சேர வேண்டும் !
வாழ்த்துக்கள் தோழி இன்பக்
கவிதைகள் மட்டும் இனி இங்கே தவழ......