அலட்சியக் குறிப்புகள் சில...

விசும்பும் ஒற்றை ஒலி
அடுத்த அறையில்
சீரிய வரிசைக் கதிரைகள்
சிரிக்கக் கதைக்கச் சாப்பிட
குழந்தைகள் எவருமில்லை
அந்தத் தெரு
எப்போதும் போலத்தான்
கீழிருட்டில்
சிலரது அதிசய வருகைகள்
உலகம்
நீல நிறமாக மாறியிருந்தது
என்னைத் தேடும் இரவு நட்சத்திரம்
இன்னும் யன்னலில் இல்லை
சின்னக்கால நினைவுகள்
திரைவிலக்கும்
கருப்பு வெள்ளைப்படமாய்
உலகம் தொலைத்த
அமைதி எனக்குள்
வெம்மை குழைத்த
செந்நிற வண்ணமானாய் நான்
காதலை மறக்கவும் பிரார்த்தனை
காற்று மீட்டும்
தந்திக்கம்பிகளாய் மழைத்துளி
"செய்திகள் வாசிப்பது..."
அடித் தொண்டையில்
அதே அறிவிப்பாளர்
வானொலியிலும்
பூக்களின் சில
சிதறல்கள் என்னைச்சுற்றி

நானோ...
என் மூச்சைத்
தேடிக்கொண்டிருக்கிறேன்!!!

ஹேமா(சுவிஸ்)