இரவின் பாடல்கள்
ஏதோவாய்
வானொலியில்
ஒற்றை மெழுகுதிரி
எரிய
முகமற்ற ஒருவனின்
அன்பின்
சுவாசம் மட்டும்
என்
அறை நிரப்பியபடி !
கேள்விகளால்
நிரம்பியிருந்தான் அவன்
எனக்கான
குவளைகள்
போதாமலிருக்கிறது
நிரம்பியும் வழிந்துமாய்
தளம்பிக்கொண்டிருக்கிறேன்
நான் !
அலட்சியமாய்
சாகடிக்க
நஞ்சு வேண்டாம்
தஞ்சம் கேட்கும்
மெல்லிய அன்பு போதும் !
சிலசமயங்களில்
சிறு தூரலாய்
தூவி
என் ஈரலிப்பை
காக்கிறானே தவிர
பெய்வதென்னவோ
மிதமிஞ்சிய
சதுப்பு நிலத்தில்தான் !
அன்பால்தான்
கொண்டான்
என்னை.....
அதே அன்பால்
கொல்கிறான்
என்னைத் தவிர்த்து !
சிலுவை வலிகளுக்கு
மருந்தாய்
இயேசு சொன்ன
ஏழு வாசகம்போல்
என் வலிக்கு
அவன் பெயர் !
ஹேமா(சுவிஸ்)
வணக்கம்
ReplyDeleteகேள்விகளால்
நிரம்பியிருந்தான் அவன்
எனக்கான
குவளைகள்
போதாமலிருக்கிறது
நிரம்பியும் வழிந்துமாய்
தளம்பிக்கொண்டிருக்கிறேன்
நான் !
கவிதையில் காதல் வரிகள் அருமை வாழ்த்துக்கள்.
-நன்றி-
-அன்புடன்-
-ரூபன்-
அற்புதமான கவிதை
ReplyDeleteஒரு கவிதையியேனும் இப்படி
மனதைக் கொள்ளைக் கொள்ளும்படியாக
எழுத ஆசையாக இருக்கிறது
முயற்சிக்கனும்
பகிர்வுக்கும் தொடரவும் நல்வாழ்த்துக்கள்
ரசிக்க வைக்கும் காதல் வரிகள்... பாராட்டுக்கள்...
ReplyDelete/// தஞ்சம் கேட்கும் மெல்லிய அன்பு போதும் ! ///
வாழ்த்துக்கள்....
படமே ஆயிரம் கவிதை சொல்கிறது...
ReplyDeleteநல்ல படத்தேர்வு....
கவிதை ரசிக்க வைத்தது...
வாழ்த்துக்கள் சகோ.
காதல் இன்பம் சொட்டும்
ReplyDeleteஇன்னிசை துளிப்பாக்கள்...
ரசிக்க ரசிக்க காதல் வரிகள்...
ReplyDeleteஅன்பில் விளைந்த கண்ணீர் மனமே தேற்றும் மருந்து
ReplyDelete